ស្របជាមួយនឹងកំណើនខាងបច្ចេកវិទ្យា សន្តិសុខ​នៅលើប្រព័ន្ធ​អ៊ីនធឺណិតកាន់តែមានសារៈសំខាន់នៅក្នុងជីវិតប្រចាំថ្ងៃ។ សុវត្ថិភាពតាមអ៊ីនធឺណិតមិនមែនគ្រាន់សំដៅលើការពារឧបករណ៍អេឡិចត្រូនិចឬទិន្នន័យអនឡាញរបស់យើងប៉ុណ្ណោះទេ វាគឺជាការការពារនិងការគ្រប់គ្រងអត្តសញ្ញាណរបស់យើង។ ចំណេះដឹងលើប្រធានបទសន្តិសុខអ៊ីនធឺណិតនៅក្នុងប្រទេសកម្ពុជាកំពុងមានកម្រិត ដែលជាហេតុធ្វើឲ្យក្រុមនិសិ្សតមួយក្រុមផ្តួចផ្តើមគំនិតបង្កើតឡើងនូវយុទ្ធនាការពុទ្ធិ។

ពួកយើងមានគោលបំណងផ្សារភ្ជាប់យុវជនជំនាន់ក្រោយឲ្យចេះការពារខ្លួនលើប្រពន្ធអ៊ីនធឺណិត ដោយចែករំលែកគន្លឹះដើម្បីការពារអត្តសញ្ញាណអនឡាយរបស់ពួកគេ។ ពុទ្ធិនឹងមានផ្តល់វគ្គបណ្តុះបណ្តាលស្តីពីសុវត្ថិភាពអ៊ីនធឺណិតដោយឥតគិតថ្លៃ ដើម្បីការពារខ្លួនអ្នក និងមនុស្សជាទីស្រលាញ់របស់អ្នក។